జయకేతనం

22, ఫిబ్రవరి 2013, శుక్రవారం

ఆటవెలది 5

ఏమి యెరుగనోడు యేడుండు లోకాన
అన్ని దెలిసినోడు అసలు లేడు
'యెరుగ', 'దెలుసు'నంటె యెర్రి జనం గాదె

జయుడి మాట నిజము జాబిలమ్మ

21, ఫిబ్రవరి 2013, గురువారం

20, ఫిబ్రవరి 2013, బుధవారం

ఆటవెలది .4

కానలోన పూలు కాసి రాలును చాల
పంచునెన్ని పూలు పరిమళాన్ని
మంచినంటు పంచు మనుషులు కొందరే
జయుడి మాట యిదియె జాబిలమ్మ

13, ఫిబ్రవరి 2013, బుధవారం

ఓ కవీ!
ఏమిటీ దిగులు?
కవిత రాయాలనుందా?
రాసెయ్
వస్తువా?
ఓర్నీ...మనిషిగూలా
నీ ఎదుటున్న మరో కవి మీద గీకెయ్
ఇప్పుడు నే చేస్తున్నది అదే కదా!
మనవైపు చూపే మూడు వేళ్ళ గురించేనా నీ ముచ్చట?
చత్...మరిచిపో
నీ చూపుడు వేళును ఎదుటివాడి గుండెలోకి కస్సుక్కున దించె కవిత రాసెయ్
నీ పాత సిరా ఒలకబోసి
నీ కొత్త కలం నిండా
బురద నింపి విషం కక్కుతూ కవిత రాసెయ్
అంతే!
క్షణాల్లో నీ చుట్టూ భజన బృందం
మెళ్ళో దండలు
ఒంటిపై శాలువాలు
ఇక ఎంచక్కా మెమొంటోను
ముద్దెట్టుకుంటూ
కవి కుర్చి మీద కులాసాగా బతికేయెచ్చు

13.02.2013

10, ఫిబ్రవరి 2013, ఆదివారం

మా ఊరికి పోయిరావాలి!

మా ఊరికి పోయిరావాలి!
నేను చేజార్చుకున్న
నా బాల్యపు తీపి గుర్తులను
ఏరి, వెంట తెచ్చుకోవాలి!

నేను మనిషిగా నడయాడిన
నా నీడలను
వెతికి వెతికి వెంట తెచ్చుకోవాలి!

మా ఊరికి పోయిరావాలి!
చిన్నప్పుడు నా పురికొన బస్సెక్కి
నా జైత్రయాత్రల్లో పాలుపంచుకున్న
నా బాల్యమిత్రులను కలుసుకోవాలి!

నిండా ఎండాకాలంలో
అర్ధరాత్రి దాకా మిత్రుల కబుర్లలో
మునిగి ఇంటిని మర్చిపోతే
చలువ బండల పరుపు పరిచి
నిద్రపుచ్చిన రచ్చబండను పలకరించి రావాలి!

మా ఊరికి పోయిరావాలి!
సామాజిక జీవన పులిజూదంలో
బక్క చిక్కిన సామాన్య జన మేకలన్నిటిని మోహరించి
పొగరెక్కిన ఊరి పెద్ద(ల) పులులనెట్లా బంధించాలో
బతుకుపాఠాలు నేర్పిన
మా ఊరి చావిడినొకసారి చూసిరావాలి!

కోడికన్నా ముందే నిద్రలేచి
ఊరి ఊరంతటిని
తన గిలుక చప్పుడు గీతంతో
మేల్కొల్పి మేల్కొల్పి మూగవోయిన
గిలుకబావినొకపారి చూసిరావాలి!

మా ఊరికి పోయిరావాలి!
కుల మతాల
కుళ్ళు గోడలను కూలదోసి
' అన్నా! అక్కా!' అనిపిల్చుకున్న
ఊరుమ్మడి బంధువులను పలకరించిరావాలి!

పిట్ట కావలి కాసి అలసిపోతే

పాలకంకుల పాలబువ్వ దిన్పించి
సేదదీర్చిన సేను నొకపరి చూసిరావాలి!

ఒంటికి ఇసుక మేదు గంధాన్ని పూసి
నదిలో చేప పిల్లలను చేసి ఒలలాడించిన
నా ఇసుక తిన్నెలు
ఏ ఒండ్రు మట్టి రాక్షస పాదాల కింద
అణిగిపోయాయో ఆనవాళ్ళు వెతుక్కోవాలి!

10.02.2013

5, ఫిబ్రవరి 2013, మంగళవారం

ఆటవెలది. 3

కంటిలోన గింత కరుణలేని మనిషి

మనసులోన కొంత మంచి లేక

మనిషి యెట్లు యవును మానుయవును గాని

జయుడి మాట నిజము జాబిలమ్మ!

కన్ను జేరి నలుసు కలత బెట్టిన గాని

వొళ్ళు జీరి బోవ వోర్వ వచ్చు

యముని బాధకన్న యధికమేరా నింద

జయుడి మాట యిదియె జాబిలమ్మ!

05.02.2013

4, ఫిబ్రవరి 2013, సోమవారం

నే..తీసిన ఫోటో

అందమైన దృశ్యాలు ఎక్కడ కనబడినా నా సెల్ కెమరా కన్నుగొడుతుంది. అలాంటి వాటిలో ఇదొకటి. భద్రాచలం దగ్గరలోని పర్ణశాలలో ఓ సాయం సంద్య క్లిక్ మన్న ఫోటో ఇది.

పేజీలు