జయకేతనం : 2020

20, డిసెంబర్ 2020, ఆదివారం

నేను- నా అవతారం || ఓ వినోధభరిత ఆత్మకథ

16, డిసెంబర్ 2020, బుధవారం

ఉద్యోగం కావాలా? ఫేస్బుక్ చూపిస్తుంది.

10, డిసెంబర్ 2020, గురువారం

తెలుగు వికీపీడియా || Telugu Wikipedia

29, నవంబర్ 2020, ఆదివారం

అనుభవాలు - జ్ఞాపకాలు -1

1992, ఆగస్ట్, 25 మంగళవారం,

సాయంత్రం 6.30 గంటలు. మోమిన్ మహల్లా వీధికి ఎదురు గుండా చేనేత సొసైటీ కార్యాలయానికి రెండు ఇళ్ళకు అవతల ఓ చిన్న గది. గదిలో ఒంటరిగా నేను. నెత్తికింద పుస్తకాలు దిండుగా పెట్టుకొని, చిరిగిన పరుపొకటి పరుచుకొని పడుకున్నా. ఎదురుగా తెరిచిన తలుపు గుండా బయటికి వీధి వైపు చూస్తున్నా. వీధి ఆ చివరి వరకు స్పష్టంగానే కనిపిస్తుంది. చాల సేపటి నుండి చిన్నగా వాన తుంపర్లుగా కురుస్తూనే ఉంది. పిల్లలు ఇళ్ళల్లో నుండి వీధిలోకి వచ్చిచినుకుల్లో తడుస్తూ, ఆడుకుంటూ, అల్లరి చేస్తున్నారు.చాలా సేపు అట్లా వాళ్ళను చూస్తూనే ఉండిపోయాను. చూస్తూ ఉండగానే చినుకుల జోరు పెరిగింది. మంత్రమేసినట్లు పిల్లలందరు మాయమైపోయారు ఇళ్ళల్లోకి. ఒంటరిగా వీధంతా ఏడుస్తున్నట్లుంది జోరుగా కురుస్తున్న వానను చూస్తుంటే...బాగా చీకటి కమ్మింది. ఎక్కడో మెరుపు మెరిసింది. గదిలో కరెంట్ పోయింది. హఠాత్తుగ ఉన్నట్లుండి వీచిన ఓ పెద్ద గాలికి వొలిపిరి చినుకులు వచ్చి వొళ్ళో పడ్డాయి. బట్టలు తడిసిపోయాయి. తలుపు మూసేసి, మూలన ఉన్న కిరోసిన్ స్టౌవ్ బయటకు లాగి ఒత్తులన్ని తగ్గించేసి, ఒక ఒత్తిని మాత్రమే పెద్దగా ఉంచి వెలిగించా. గదంతా పలుచటి వెలుగు పరుచుకున్నాకా, తడిసిన బట్టలు దండెం మీద వేసి, టవలుతో తుడుచుకొని, దాన్నే అడ్డంగా చుట్టుకొని పడుకున్నా. బయట ఉరుములు మెరుపులు ఎక్కువయ్యాయి. గదిలో మాత్రం నిశ్శబ్ధం. పోయిన సంవత్సరం వచ్చిన స్కాలర్షిప్ తో తెచ్చుకున్న అలారం వాచ్ మాత్రం గూటిలో టిక్...టిక్..మంటూ శబ్ధం చేస్తుంది.

అరగంట పైనే గడిచిందేమో! టక్..టక్..మంటూ శబ్ధం వచ్చింది. వాచీ వైపు చూశా. అది టిక్..టిక్.. మంటూనే ఉంది.

మళ్ళీ టక్..టక్...???

జాగ్రత్తగా వింటే ఎవరో తలుపు బాదుతున్నట్లు ఉంది. ఎవరు? ఎందుకొచ్చి ఉంటారు? ఈ రాత్రి, ఈ వర్షంలో, నా కోసం ఎవరొచ్చి ఉంటారు? మొఖం నిండా ప్రశ్నల కొడవళ్ళే. అంతటి చల్లని వాతావరణములో కూడ బుర్ర వేడెక్కినట్లు అనిపించింది.

మళ్ళీ టక్..టక్...

చల్ల గాలికో! ఎదో తెలియని భయానికో! తెలియదు కాని వణుకుతూనే మెల్లగా లేచి తలుపు తెరిచా. విసురుగా బయటి నుండి వచ్చిన చల్ల గాలి వెలుగుతున్న స్టౌవ్ దీపాన్ని ఆర్పేసింది. బాగా తడిసి ముద్దైన ఆకారం. చీకట్లో పోల్చుకోవడం కష్టమైంది. ఉన్నట్టుండి మెరుపొకటి మెరిసిపోయింది.

అసంకల్పితంగా నా నోటి నుండి "దేవరాజ్" ...

(ఇంకా ఉంది)

25, నవంబర్ 2020, బుధవారం

Cute expression- Funny conversation

మా బడి || my vlog

తెలుగులో 'సంతకం' ఇలా చేద్దామా!

SAMSUNG Galaxy M31s Shots

12, సెప్టెంబర్ 2020, శనివారం

మిత్రమా! శుభాకాంక్షలు

మరింత చదవండి »

30, జూన్ 2020, మంగళవారం

శతాబ్ది రక్కసి (హైకూ)- e book

Download free e-book

శతాబ్ది రక్కసి

కరోనా హైకూలు

సంపాదకులు: డా తలతోటి పృథ్వీ రాజ్

29, జూన్ 2020, సోమవారం

ఊపిరి ఆడటం లేదు డాడీ!

"ఊపిరి ఆడటం లేదు డాడీ!"

ఇది ఎక్కడో అమెరికాలో వినిపించిన గొంతు కాదు
ఇతను దొంగ అంతకన్నా కాదు
ఇక్కడే...
మనదే..
గాలికి కొట్టుకుపోయిన మాటలు మూటలు కట్టాలి
పక్కదారి పట్టిన నిధులను పక్కలిరగదన్నాలి
వెంటిలేటర్ ఏ ధనవంతున్ని చేరనో వెతికి పట్టుకోవాలి
గొంతుపెగలకుండ లోలోనే
ఆగిన గుండెలెన్నో లెక్కపెట్టుకోవాలి.
అసలు దీనంతటికి కారణమైన
చైనోన్ని చెప్పుతోన తన్నాలి.

22, జూన్ 2020, సోమవారం

ఆధునిక కవుల స్తుతి || శ్రీ సీతారాముల కళ్యాణము || అష్టావధాని శ్రీ కోట రాజ...

16, జూన్ 2020, మంగళవారం

అష్టావధాని శ్రీ కోట రాజశేఖర్- శ్రీ సీతారాముల కళ్యాణము|| పూర్వ కవి స్తుతి

7, జూన్ 2020, ఆదివారం

నా తెలంగాణ || పల్లెర్ల రామమోహనరావు

అష్టావధాని శ్రీ కోట రాజశేఖర్- శ్రీ సీతారాముల కళ్యాణము|| 15వ పద్యం

3, జూన్ 2020, బుధవారం

సమస్తం

పీడించకపోతే ప్రపంచాన్ని

రోగాలకు ఉనికుంటదా?
సరిహద్దుల్లో యుద్దాలకు సిద్దమవ్వకుంటే
దేశాల బలాలకు విలువుంటదా?
అణచపోతే అహంకారం
మీసం మెలితిరుగుతదా?
ఆస్తులను ఆహుతి జేయపోతే
నిరసనకు నిద్రొస్తదా?
సందులోనా సడేమియా!
ఈ సమయం నీదేనయా!
దోరికినేది దోచేయవయా!

16, మే 2020, శనివారం

పాలమూరు గోస

పాలమూరు గోస మహబూబ్ నగర్ జిల్లా కరువు వ్యతిరేక పోరాట కమిటీ ఆధ్వర్యంలో జూలై, 2004 లో వెలువడిన పుస్తకం. పాలమూరు జిల్లాలోని కరువు అంశంపై జిల్లా కవులు తెలుగు, ఉర్దూ భాషలలోరాసిన పాటలు, వచన కవితలు ఇందులో ఉన్నాయి. వీటితో పాటు జిల్లాకు చెందిన చిత్రకారులు కరువు అంశంపై గీసిన చిత్రాలు కూడా ఈ పుస్తకంలో పొందుపరిచారు.

నేపథ్యం

మార్చి 2, 2003 రోజు మహబూబ్ నగర్ పట్టణంలోని మున్సిపల్ టౌన్ హాలులో పాలమూరు కరువుపై జిల్లాకు చెందిన కరువు వ్యతిరేక పోరాట కమిటి ఒక సదస్సును నిర్వహించింది. ఈ సదస్సుకు జిల్లా నలుమూల నుండి సుమారు 160 మంది కవులు, రచయితలు, చిత్రకారులు, కళాకారులు హజరయ్యారు. కరువుపై నాటి సభలో వారు పాటలు, కవితలు గానం చేశారు. కళారూపాలు ప్రదర్శించారు. చిత్రాలను గీసి ప్రదర్శించారు. సభ జరిగిన సంవత్సరం తర్వాత వాటన్నిటికి పుస్తక రూపమిస్తూ, కరువు వ్యతిరేక పోరాట కమిటీ, మహబూబ్ నగర్ జిల్లా వారు జూలై, 2004 లో ఈ పుస్తకాన్ని తీసుకవచ్చారు.

సంపాదక వర్గం

నాటి కరువు వ్యతిరేక పోరాట కమిటీలో కీలక బాధ్యతలు నిర్వహించిన ఏడు మంది సభ్యులు ఈ పుస్తకానికి సంపాదకులుగా వ్యవహరించారు. వారు ప్రొ. జి. హరగోపాల్, ఎం. రాఘవాచారి, ఎన్. యాదగిరి, కె.సి. వెంకటేశ్వర్లు, ఎం.డి. ఎక్బాల్ పాష, బి. వెంకటయ్య, ఎండి. ఖైసర్.

విషయసూచిక

కృతజ్ఞత
కవిత్వంలో పాలమూరు గోస, రాజకీయ ఆర్థిక నేపథ్యం
కరువు రాజకీయనాయకుల పుణ్యమే.
పాలమూరి లేబర్ (రూం)
ఇది పాలమూరు గొస, ఇక చూపిస్తారా ధ్యాస?
జిల్లా సాహితీ చరిత్రలో ఇది అపూర్వం.
పాలమూరు గోసలో ప్రతిధ్వనించిన కరువు.
పాలమూరు గెలుస్తుంది.
మా మాట
అంకితం.

పాటలు
కవితలు
పద్యాలు
కరువు జన్మభూమి (స్కిట్)
ఉర్దూ కవితలు
కరువు ప్రదర్శన చిత్రాలు
చిరునామాలు.

విషయ సూచికలోని మొదటి పది అంశాలు సంపాదక వర్గపు తొలిపలుకులు, నాటి సభలోని ప్రధాన వక్తల ఉపన్యాసాలు, సభపై మరుసటి రోజు పత్రికల్లో వచ్చిన కథనాలు చోటుచేసుకున్నాయి. కరువు వ్యతిరేక పోరాట కమిటి, మహబూబ్ నగర్ జిల్లా అధ్యక్షులు జి. హరగోపాల్ కవిత్వంలో పాలమూరు గోస, రాజకీయ ఆర్థిక నేపథ్యం అంటూ సంపాదకీయం రాయగా,కేంద్రీయ విశ్వవిద్యాలయం, హైదరాబాద్‌కు చెందిన ప్రొ. డి. నరసింహరెడ్డి కరువు రాజకీయనాయకుల పుణ్యమే అంటూ ముందు మాట రాశారు. పాలమూరు లేబర్ (రూం) పేరిటి పెండ్యాల వరవరరావు సుదిర్ఘ వ్యాసం రాశాడు. పాలమూరు గోసలో ప్రతిధ్వనించిన కరువు అంటూ ఆంధ్రజ్యోతి రాయగా, ఇది పాలమూరు గొస, ఇక చూపిస్తారా ధ్యాస? అంటూ ఈనాడు సంపాదకీయంతో పాటు, జిల్లా సాహిత్య చరిత్రలో ఇది అపూర్వమంటూ ఈనాడు జిల్లా అనుబంధంలోనూ ప్రచురించిన వార్తను ఈ పుస్తకంలో పొందుపరిచారు. పాలమూరు గెలుస్తంది అని పత్రికా సంపాదకుడు కె. శ్రీనివాస్ రాశాడు.

అంకితం

"పుట్టిన గడ్డ మీద బతుకు దుర్భరమై, బతకడానికే బలైన పాలమూరు లేబరుకు...
అత్యాచారాల హత్యాచారాలకు బలైన పాలమూరు తల్లులకు...
అసహజ మరణాల కొలిమైన పాలమూరులో ఆత్మహత్యలు చేసుకున్న రైతులు, నేత కార్మికులు, పేదలకు...
పీడనకు వ్యధాభరిత జీవనానికి సాక్ష్యంగా నిస్సహాయంగా ఆకలిచావుల పాలైన వారికి...
పుట్టిన గడ్డకు, కన్న బిడ్డలకు కాకుండా కనిపించకుండా పోయిన వారికి...
ఈ లోకం ప్రజలదే ప్రజలకే చెందాలని ఆశలు పల్లవించే పోరాటంలో అమరులైన వారికి...
వినమ్రంగా...అంకితం" అంటూ సంపాదక వర్గం పేర్కొంది.

పాటలు - కవులు
ఈ పుస్తకంలో సుమారు యాబై (50) మంది కవులు రాసిన పాటలను పొందుపరిచారు. వారి పాటల శీర్షిక, వాటిని రాసిన కవుల వివరాలు ఇలా ఉన్నాయి.

క్రమ సంఖ్య

పాట శీర్షిక

పాట రాసిన కవి పేరు

చిరునామా

పాలమూరు కరువు పాట

కడుదాసు వెంకటదాసు

కరువు కీర్తన

కస్తూరు పంతులు సాయన్న

రాగులరాంరెడ్డన్నా!

జి. మురళీధర్ రావు

లేబరన్నాల్లారా!

గాజుల లక్ష్మీనారాయణ

పాలమూరు దండం

ఎన్. యాదగిరి

ఒక్క పూట తిండికి

గోరటి వెంకన్న

మబ్బుల్లారా వచ్చిపోరా

జక్క గోపాల్

బతుకంతా భారమాయె

కె. సల్మాన్

మహబూబ్ నగరం చెల్లో

ఎం.ఎ. గఫార్

పాలమూరు గోస

డా. ఎస్. ఎం. మహమ్మద్ హుసేన్

పాలమూరి గొస

జాలం సత్తయ్య

అగ్గజూడ లచ్చమా

బి. జనార్థన్

మాయమ్మ పాలమూరు

సి. కృష్ణయ్య

వలసపాట

కిందింటి కిరణ్

పాలమూరి కరువు గోస

వి. వెంకట్రాములు

కరువు బతుకు పోవాలన్నరో

ఎన్. శ్రీనివాస్

పాలమూరు గొస

డా. ఎస్వీ. సత్యనారాయణ

ఉద్యమించరా

బి. కాళిదాసు

పాలమూరి లొల్లి

బూస జంగయ్య

గోదాములే నిండివుండగ

హారతి వాగీశ్

నేలమ్మ లాలనకు దూరమా

ఆనంద్

పాలమూరు రైతు

మల్లేపల్లి శేఖర్ రెడ్డి

వచ్చేరో కరువొచ్చేరో

ఔటస్వామి

ఇది ఏమి కరువన్నో

మరికంటి బాలస్వామి

కరువుకేక

పల్లెర్ల రామ్మోహనరావు

రైతు వేదన

గట్టు మనోహర్ రెడ్డి

పాలమూరు జిల్లా పాట

జెట్టి కురుమూర్తి

జనం బాధ

పి. మంతటి కృష్ణపద్మ

కరువు రోదన

కె. బాల్‌రెడ్డి

కరువుమీద మన్ను బొయ్య

కె. శ్రీనివాస్

అన్నదాత

హన్మంత్ రెడ్డి

నా పల్లె

నాయుడు గారి జయన్న

పాలమూరు వలసబతుకు

నర్సింహ

పల్లెల్లో చీకట్లు కమ్మెరా

మూలమల్ల మీనాప్రభాకర్

కరువు కరువోరన్నా

జనజ్వాల

చదరంగంలో పావులు

డా. భూమిగోపాల్

వలసజీవులు

లాడెసాని బాలస్వామి

ఓ పాలమూరి కూలి రైతా!

ఎ. మహేశ్

ఇది ఏమి కాలం?

ఎం. సత్యనారాయణ

బువ్వనీళ్ళు కావాలి

వై. దేవదానం

పాలమూరు ప్రజల గోడు

బి. వెంకటేశ్వర్లు

రైతు బ్రతుకు

కె. ఉదయ్ కుమార్

పాలమూరు రైతు గోస

కె. వి. యాదగిరి

పాలమూరి ముద్దుబిడ్డ ఆకలి ఘోష

ఎం.డి. ఇద్రిష్

పాలమూరు గొస

బాదేపల్లి వెంకటయ్య గౌడు

ఆకలి కేకలు

జన్ను రాఘవులు

బతుకు రాత మార్చుకోవయా

గొంది శివారెడ్డి

కరువు పోరాటం

ఆర్తం గురునాథం

కరువు గోస

గన్నోజు శ్రీనివాసాచారి

50 పాలమూరు బిడ్డలం రేపల్లి ఖాజా హఫీజుద్దీన్

క్రమ సంఖ్య	కవితా శీర్షిక	రాసిన కవి పేరు
1	పాలమూరు బిడ్డలం	సి. వెంకటేశ్వరశర్మ
2	వలసబోయిన వసంతం	కె. నవీన్
3	పాలమూరు పల్లవి	డి. హెచ్. జి. అమ్మణ్ణ
4	మనుషులు రాలుతున్న నేల	పరిమళ్
5	మేం మనుషులం	పి. భారతి
6	నాతోడు నిన్ను సంతకంప	ఎం. నారాయణ
7	కుర్చీలు కూలుతయ్	కోట్ల వెంకటేశ్వరరెడ్డి
8	మాకూ మంచిదినాలొస్తయ్	కె. ఎల్. సత్యవతి
9	పొలమారిన పాలమూరు	కాశీంకాశీం
10	అయినొల్లంతా వలసపోతే	ఎం. వెంకట్రాములు
11	గోస	ఎన్. శివశంకర్
12	పాడెకట్టె తెంపుకొని	ఉజ్వల్
13	కాలంపోటు	బైరోజు చంద్రశేఖర్
14	అల్లుడి నోట్లో శని	ఖాజామైనొద్దీన్
15	పాలమూరి కష్టజీవి	ఎన్. కిశోర్ కుమార్
16	పాలమూరు కరువు దృశ్యం	కమలేకర్ శ్యాం ప్రసాదరావు
17	పొట్టంత ఆకలి గోస	అక్కల వేంకటేశ్వర్లు
18	వలస	రేడియం
19	జాడలేని రైతుబిడ్డ	వేముల శ్రీనివాసులు
20	పాలమూరు గోస	ఎ. వెంకయ్య నాయక్
21	పాలమూరు లేబరొల్లు	పులిమామిడి మద్దిలేటి
22	పల్లెబోసిపోయే	కట్టా కృష్ణయ్య
23	తల్లి కోసం	సి. వీణాదేవి
24	కరువు షాక్	ఆర్. కె. చంచల
25	బలవుతున్న బాల్యం	పి. సృజన
26	మనకీ బాధ కొత్తది కాదు	స్వర్ణ సుధాకర్
27	కరువు లేదు	ఎస్. రాజశేఖర్ రెడ్డి
28	రైతు గోస	పి. భాస్కరయోగి
29	చిక్కనవుతున్న దుఃఖం	సతీష్
30	యాడబోయిరి నా జనం	అంపశ్రీ
31	నా గొంతు గోస	ఎస్. సురేష్ బాబు
32	జన్మభూమి బూటకం	కె. వామన్ కుమార్
33	కరువు నృత్యం	జి. రవిశంకర్
34	గోస	గుముడాల చక్రవర్తి గౌడు
35	నా పల్లె	హిమజ్వాల
36	ఏమని వ్రాయను అగ్నిజ్వాల	ఖాజానజీరుద్దీన్
37	రగులుతున్న పాలమూరు	వల్లభాపురం జనార్ధన
38	ఎడారి కోయిల పాట	ఉదయ్
39	పాలమూరు గోస	విరజాజి రామిరెడ్డి
40	సిగ్గిడ్సినోడు	భీంపల్లి శ్రీకాంత్
41	కరువు రక్కసి	ఎలకొండ వరప్రసాద్
42	కరువు రక్కసి	డి.ఎస్. బాబూదేవీదాస్‌రావు
43	జెండాకెక్కిన గోస	చిలుక రవి
44	చెయ్యిచాచిన అన్నదాత	వై. రుక్మాంగదరెడ్డి
45	కరువు ఏకరువు	ఏ. సూర్యప్రకాష్ రావు
46	కూటికి కుండనైత	బలుపరి ఆనంద్‌శ్రీ
47	పాలమూరి గోస	సి. సాకేత ప్రవీణ్
48	పాలమూరు గోస	మహమ్మద్ బురాన్
49	కరువు కరువు	అనంత రామచంద్రయ్య
50	పాలమూరు రైతన్న	డా. వీరయ్య
51	కరువు గోస	బి. లింగారెడ్డి
52	ఎండమావులు	డా. వరప్రసాద్
53	పాలమూరు బిడ్డలకు స్వాగతం	మల్లికార్జున్
54	పాలమూరు గోస	భాస్కర్ ఎలకంటి
55	జనం గోస	టి. వి. భాస్కరాచార్య
56	పాలమూరు పల్లెగోడు	కె. శివరాజు
57	పాలమూరు గోస	కమలేకర్ రాంచందర్‌జీరావు
58	నీటికోసం ఫాంటసీ	ప్రతాప్ కౌటిల్య
59	కరువు తీరేదెప్పుడు?	కొండా బసవరాజు
60	పాలమూరి గోస	వి. రాజారాంప్రకాష్
61	తెల్సుకో	వై. ధన్‌రాజ్ కుమార్
	అనువాద కవితలు
62	జాగో-ఉఠో	జమాల్ బీహరీ
63	మై డార్లింగ్ సిటీ	జి. విజయ్

14, మే 2020, గురువారం

నీటిమాట

నీటిమాట
మనమే...
ఎగువనుంటే ఓ మాట
దిగువనుంటే మరో మాట
నది ఆవలి వైపో మాట
నది ఈవలో మాట
ఎడమ కాలువ మీదో మాట
కుడి కాలువ మీదో మాట
ఎవడూ తేల్చని లెక్కలు
ఎప్పటికీ తెగని పంచాయతీ
పారే ఏరు పారుతూనే ఉంటుంది.
ఎండే నోరు ఎండుతూనే ఉంటుంది.
- ఎన్. జయన్న