DARK MODE IN WhatsApp

ఇది చాలు

ఇది_చాలు

వాడికి కాలేజీలో సీటు వచ్చింది
నాకు రాలా
వాడికి ఉద్యోగం వచ్చింది
నాకు రాలా
వాడికి పెళ్ళైంది
నాకు కాలా
వాడికి పిల్లలయ్యారు
నాకు కాలా
వాడు ఇల్లు కట్టాడు
నే కట్టలా
వాడి పిల్లలు సెటిలయ్యారు
నా పిల్లలు... కాలా
వాడు చచ్చిపోయాడు
నే...
అమ్మో! బతికిపోయానురా దేవుడా!

-జయన్న

పాల్కురికి సోమన పద్యం || వృషాధిప శతకం

సమస్యాపూరణం

పలువురు మెచ్చు రీతిన యపప్రద లేక యభంగ వీరులై
నిలిచిరి రాజు లిచ్చట, అనింద యపూర్వ కవిత్వ సంపద
న్నిలిపిరి తారలై సుకవు లెందరొ, వారసులై యబద్దమున్
పలుకరు రాణ్మహేంద్ర పుర వాసులు, సత్యము నెన్న డేనియున్

అలిశెట్టి ప్రభాకర్ ||నాయుడు గారి జయన్న|| తెలంగాణ జాగృతి|| గద్వాల

ఏది చీకటి? ఏది వెలుతురు?

మేం మనుషులమేనా?

అమ్మా!
మేం గుండెలేని మొండి మనుషులం
కరుణలేని కఠినాత్ములం
అనంత పాపపంకిలంలో మునిగితేలుతున్న పాపాత్ములం
మీరు చస్తేనే చలించలేదు
ఈ కన్నీళ్ళకు కరిగిపోతమా?
మీరు మాలాగే బండగా బతకడం నేర్చుకొండి

మీ కష్టాలు మీవే
మీ కన్నీళ్ళు మీవే
మీ బతుకు ఇక్కడ ఎవరికి కాబట్టింది కనుక
ఎవడి పనుల్లో వాడున్నాడు
తోడొచ్చే ఉద్యోగులు ఎక్కడ తొంగొని ఉన్నారో ఎవరికి ఎరుక?
ఏసిన మెతుకులు ఏరుకోవటంలో కొందరు బిజీ
ప్రభువుల పల్లకీ మోయడానికి కొన్ని భుజాలు రెడీ
భజనలు, బాకాలు సరేసరి

న్యాయదేవత కళ్ళకు గంతలుండటం పాతమాట
నోటికి కూడా ఇప్పుడు కొత్త మూత
అందుకనే అటువైపు చూడకండి
మేము మనుషులమన్న మాట మర్చిపొండి
పైనున్నాడో లేదో తెలియదు
ఉన్నా లేకున్నా మీ ఉసురైతే ఊరికే పోదు
అది చూడడానికైనా అగండి
అది చూడడానికే బతుకండి.

- ఎన్. జయన్న