19, జులై 2015, ఆదివారం

గురుగింజలు

గురుగింజలు
పులి కాదు
పులి బిడ్ద కాదు
అడ్డంగా దొరికినోడెవడైనా
మహా చెడ్డ దొంగే
మరి 'దొర​'క​(కొ)ని(న​)వాడు....??
దొరలనే పిలుద్దాం!
దొరలనే కొలుద్దాం!
అవసరమనిపిస్తే
భజనగీతం రాసి భక్తితో పాడుదాం
అదీకాదంటే
శిరస్సొంచి, శివాలెత్తి ఆడుదాం
మన పిచ్చిగాకపోతే
పైస మీద ప్రజాస్వామ్యం పరిఢవిల్లు కాలానా
గు...కింద నలుపుండని
గురుగింజలు దొరుకుతాయా?
కళ్లకున్న గంతలన్ని విప్పేస్తే
జెండా ఏదైనా దోచే ఎజెండా కనిపిస్తది
ముడుచుకున్న గుండెను విప్పారిస్తే
నేత ఎవ్వడైనా నీతిమాలిన తనం అగుపిస్తది.
----ఎన్. జయన్న​
     

కామెంట్‌లు లేవు:

కామెంట్‌ను పోస్ట్ చేయండి